Србинот со женско лице го освои и Марк ЏејкобсАндреј Пејиќ е еден од најбараните модели во светот. 19-годишниот модел со убави женствени црти на лицето, долги нозе и руса коса стана ново лице на Марк Џејкобс и ќе се појави во рекламната кампања за сезоната пролет 2011г.
Андреј, кој во моментов живее во Австралија, има неверојатни полни усни и истакнати јаболкници, какви што секоја жена би посакала.
Заедно со Андреј, во кампањата на Марк Џејкобс ќе учествува и русокосата Џинта Лапина којашто има слични црти на лицето, па кога ќе се појави кампањата сигурно ќе има забуни во врска со полот на моделите, особено кај оние кои немаат слушнато за Андреј.
Ако се земе во предвид дека тој веќе го освои Жан Пол Готје и учествуваше во неговата пролетна кампања заедно со Каролина Куркова, а неколку пати има позирано и за Вог, тогаш не е тешко да се заклучи дека за Андреј допрва ќе се слуша во модниот свет.
